Բացի համապատասխան բարձրագույն կրթություն ունենալը, ուսուցիչը պետք է ունենա առցանց դասավանդման որոշակի փորձ և ոլորտում նոր տեխնոլոգիաներ և մեթոդներ սովորելու ցանկություն:

Էլ․ փոստ (gmail-ը ավելի ճշգրիտ լինելու համար) ունենալը, այն պարբերաբար ստուգելը և նամակներին արձագանքելը առաջին պահանջն է, քանի որ հարթակը աշխատում է այս հաղերդակցությունների հիման վրա: Դասերի ամրագրումների, վերադասավորումների, չեղարկման, աշակերտների և ադմինիստրացիայի կողմից ստացված նամակների մասին բոլոր ծանուցումները հաղորդվում են էլեկտրոնային փոստի միջոցով: Անգլերենի որոշակի իմացությունը, ինչպես են աշխատում ինտերնետը և համակարգիչները, օրինակ՝ ինչ է browser-ը, Wi-Fi-ը, mobile data-ն և անհրաժեշտության դեպքում դրանց միջև անցումը, խոսափողի և բարձրախոսների օգտագործման թույլտվությունը, ֆայլերի կցումը, վերբեռնումը և ներբեռնումը, էկրանի համօգտագործումը (screen share) և այլն նույպես պարտադիր են: 

Հարթակը մեծ ազատություն է տալիս ուսուցիչներին լավագույնս ներկայանալու ծնողներին և աշակերտներին, սահմանել իրենց ժամանակացույցը և սակագները: Այս ազատության հետ մեկտեղ անհրաժեշտ է իմանալ, թե ինչպես է այն աշխատում և առաջին հերթին ճիշտ դիմում ներկայացնել, այնուհետև կարգավորել էջը և դասեր վարել: Սա անելու համար անհրաժեշտ է ընթերցել այս էջում ներկայացված համապատասխան ուղեցույցերը, որը կպահանջի մեկ կամ երկու ժամ, սակայն, եթե չեք ցանկանում տրամադրել այդ ժամանակը, ապա հետագայում շատ դժվար կլինի Ձեզ, աշակերտներին, և մեզ համար՝ հաջող և արդյունավետ առցանց դասեր անցկացնելը և ընդհանուր առմամբ դրական փորձ ունենալը: